Ana içeriğe atla

Pantoneyê Rengê Sala 2018'an Destnîşan Kir - Ultraviolet


Enstîtuya Pantoneyê der barê rengan de di cîhanê de yekemîn e û xwedî otorîteyekê ye. Pantoneyê wekî her sal îsal jî rengê salê destnîşan kir. Enstîtuyê rengê sala 2018'an ultraviolet hilbijart. Enstîtuya Pantoneyê da zanîn ku rengê ultraviole tê wateya resentî, afrînerî û vîzyonê. Wisa xuya dike ku di heyama bê de em ê rengê ultravioletê hem di modayê de hem jî di qadên şêwekariyê(grafîk) de pir zêde bibînin.
Di nava şêwekariyê de elementên herî zêde tên bikaranîn reng in. Ji ber vê yekê reng her wiha şopnadina trenda rengan, ji bo sêwirandina şêwekariyê gelekî girîng in. Pantoneyê ji bo sala 2018'an rengê kesk hilbijartibû. Piştî vê daxuyaniyê rengê kesk hem ji bo grafîkan hem jî ji bo modayê gelekî hat bikaranîn. Sedema hilbijartina rengê kesk tê wateya ''nû û bêhnfirehî''yê. Ji ber tevliheviya cîhana ku em tê de ne ev reng wê wateyê dide, hat hilbijartin. Îsal jî rengê ultravioletê wekî resentî û afrîneriyê derdikeve pêşberî me.Gerînendeyê Enstîtuya Pantoneyê Leatrice Eiseman der barê vê mijarê de wiha dibêje, 

''Em di demeke wisa de dijîn ku pêdiviya me bi afrînerî û hêza xeyalê heye. Ev nebe nabe. PANTONE 18-3838 Ultra Viyole balkişandin û potansiyela me derdixe asta herî jor. Bingeha xwe ji rengê şîn digire û ji me re dibe çavkaniyeke xwezayî ya îlhamê.'' 

Koda rengê Ultra Violetê ya RGB'yê 95,75,139 e, Koda Rengê Ultra Violetê ya HEX/HTML'ê jî 5F4B8B ye. Ev reng ji aliyê Pantoneyê ve yê herî bikompleks hat terîfkirin. Sedema vê yekê jî rengên şîn û sor li dijî hev xuya dikin, lê gava têne cem hev rengekî cipcuda derdixin holê. Her wiha piştî daxuyaniya rengê sala 2018'an Pantoneyê der barê bi kar anîna ultravioletê de agahî jî dan.

Rengê Ultravioletê ji bo Şêwekarî û Pakêtkirinê

Di Cîhana Modayê de Rengê Ultravioletê 

Di Berhemên Xweşikbûnê de Rengê Ultravioletê 

Ji bo Dekorasyona Malan Rengê Ultravioletê 





Yorumlar

  1. Destên te sax bin û herdem dilxweş bî

    YanıtlaSil
    Yanıtlar
    1. Spas dikim mala te ava. Heke hûn vê parve bikin, ez ê kêfxweş bibim.

      Sil

Yorum Gönder

Bu blogdaki popüler yayınlar

Alfabeya kurdî (denganiya kurdî 1)

Navê Min Çi ye?

Min berî niha jî behsa girîngiya zimên kiribû û li ser vê yekê nivîsek nivîsî bû. Ez niha jî dixwazim balê bikêşim ser ziman û bi kurtasî çend gotinan bibêjim. Her wekî min berê jî gotibû ziman hêmana bingehîn a ragihandinê ye. Mirov bi rêya ziman fikir, hest û ramanên xwe tîne ziman û têkiliyan bi hev re datîne. Ziman pira di navbera paşeroj û pêşerojê de ye. Bêyî ziman têkiliya mirovan ne mimkun e bi rêk û pêk pêk were. Ziman endamên civakekê bi hev ve girêdide û di navberê de dibe navgîna sereke.

Niha kî dikare bêyî axaftinê yan jî nivîsandinê pênaseya atomê bike? Yan jî kî dikare bêyî axaftinê bîrkariyê bi mirovan bide fêmkirin? Bêguman ev ne mimkun e. A li vê derê em pê dihisin ku ziman,  axaftin, xwendin û nivîsandin çi qas girîng in. Hemû gelê cîhanê bi vê rastiyê hisiyane, loma jî her sal butçeyeke pir mezin ji bo perwerdehiyê vediqetînin. Elbet em niha bi vî şiklê xwe û rewşa xwe ya heyî nikarin pereyekî pir mezin ji bo perwerdehiyê veqetînin, lê gelo em ji bo perwerdehiyeke…

Hînkarî / Egzersîz

Ji bo ku peyv bi awayekî xweşik, zelal û herikbar ji devê mirov derkeve divê egzersîz bê kirin. Gelek bêjer, stranbêj, şanoger û rêveber egzersiza henaseyê û tîpan dikin. Heke em jî rojê çend caran tîpên dengdêr bi yên dengdar re bideng bi lêv bikin û her roj dubare bikin, piştî demekê em ê di axaftina xwe de guhertineke mezin bibînin. Her wiha divê em hînî awayê derxistina dengan yanî tîpan jî bibin. Lê di vir de bikaranîna henaseyê jî girîng e. Divê em henaseyeke rast bidin û bistînin. Ji bo vê henaseya diyaframê tê tercîhkirin.  Bo nimûne, tîpa ‘’o’’ tîpeke dengdêr e. Bi tena serê xwe tê bilêvkirin. Divê em awayê derketina wê zanibin. Tîpa ‘’o’’ ji şikefta dev bi tena serê xwe derdikeve. Ji bo derxistina vî dengî mirov devê xwe kêmekî ji hev vedike, kêlekên lêvan datîne ser hev, lêvan bi pêş de dibe, lê ne ber bi jêr ve, rasterast û dûre ji şikefta dev dengê ‘’o’’ derdixe.  Gelek kes dengê ‘’o’’ bi devê girtî bi lêv dikin ango lêvên wan ser hev in, bi lêv dikin. Ev awayê derxitina v…